حاج اصغر احمدیان خسروشاهی

✍️ : سعید بختیاری خسروشاهی
الیمده خامه حیرانام ، خیال - اوصافِ یزداندیر
نهقدری ائیلهسم تعریف یئنه وصفینده نقصاندیر...« احمدیان »
امروز هفدهم فروردینماه هزار و سیصد و چهار شمسی، مصادف با روز خاکسپاری یکی دیگر از مشاهیر معاصر خسروشاه...
سخن از رحلت آرامشاعری شهیر در باب اهل بیت عصمت و طهارت (ع) حاج اصغر احمدیان خسروشاهی متخلص به " احمدیان " است که متولد ۱۳۱۱ ؛ و زادهی اعیانشهر خسروشاه بودند که پس از نودوسه سال عمر با عزت و پر برکت رخ بر نقاب تربت ازلی - ابدی یعنی گورستان عمومی! خسروشاه برکشیدند. بر همین مبنا بر آن شدیم علیرغم قرار گرفتن در تنگ و تاریکترین سالها و ماهها و ایام حیات شخصیمان سطوری هرچند مختصر در ارج و معرفی آن فقید مقید به معنویت و حقیقت، از طریق همین فضای مجاز تقدیم دیدگان شما جویندگان نام آن مقرب پیرغلام دربار اهلبیت امامت و نبوت بنماییم. شاید که این تحریر مختصر مقبول خاطر شریف شما ارجمند مخاطبان و عطف منظر منور ان ارباب کمال و جلال را فراهم آورد
:
رحمتلی حاج اصغر احمدیان ؛ ایرانین شرقی آذربایجانیندا ان ایلکین اسلامی و شیعی شههری اولان خسروشاه شهرینده اصیل و نجابتلی بیر آیلهده دنیایا گؤز آچیر. اوچ یاشیندا ایکن آناسینی الدن وئرهرک آناسیزلیق دردی ایله بویا باشا چاتان طاهر شاعرین بو آغیر آغریسی اوشاقلیق روحیهسینده درین دویغولارلا بیرگهلنیر. بویودوگو شهرین کربلا و عاشورا فرهنگیایله اویقون دوشوبن، چوخلو یاشیتداشلاری گیبی همین فرهنگایله تانیشیر. شاعرین ایلک اوخول مکتب دؤرو خسروشاهدا تورکو کتابلار اوخونوشویلا راس گلدیگینه باخمایاراق، گوندوزلرینی جولفالیقا معروض قالالی آلتینجی صینیفینی شههرده یئنی قورولان گئجه مکتبلرینده باشا یئتیرهلی قلم الدهلنمک قابلیتینه نایل اولور. یئنی گنجلیک دورانی شهرین طنطنهلی شبیهخوانلیق مراسملری ایله اوستوستده دوشهلی تورکچه یازیب اوخوماقی حسینی مکتبده سینائیبان گلهجهگینی همین فرهنگه ایلگیلهئیر، نهایت بو داهی شخصیتدن بیر دهیرلی و شریف اهلبیت شاعری بارا گلیرکی قید ائتدیگیمیز گیبی آناسیزلیق یاراسیندان آسیلی اولاراق ان تاثیرلی شعرلری خانم رقیه(س) و آقا علیاصغر(ع) احوالاتینا حصر ائتدیگی شعرلرده انعکاس تاپیر.
ایگیرمیبئش یاشیندا هلال احمر ارگانیندا استخدام اولان ، ۱۳۷۴-ده تقاعده چاتان استاد احمدیان رحمتلیگین گؤز آچدیقی آیینی ادبیات ساحهسینده نئچه کتابی واردیرکی اونون معنوی عمرونون حاصلی سائیلاراق یادگار قالیبدیر. استادین ان ایلکین چاپ اولوب یائیلان کتابی " توسلات احمدیان " آدی آلتیندا ۱۳۳۵-ده چاپ اولوب و یائینلانیر. اثرین آرتیقراق پیشیملی و یئتهنکلی بیتیک اولدوغوندا دئمک رحمتلی "سعدی زمانین" بؤیوک رولو اولور و اونون معنوی حمایهلریایله چاپا یئتیریلیر. خسروشاه توپلومونون ان ارزشلی خانوادهلریندن سائیلان استاد احمدیانین بیر باشقا اثری ایسه " شمیم عاشورا " عنوانیایله ۱۳۸۳-ده انتشارات پیریدن چاپا چاتیر؛ سونرالار باشقا اثرلریده همین آد ایله یائینلانیر.
آیینی و مذهبی ادبیات عالمینده آدی تانینمیش شاعرین یارالتدیقی ادبی قطعهلر مختلف نوحهخوانلار سسلریایله سسلنیلیر. شاعرین بیرسیرا تذکرهلرده قید اولونان اثرلردن اورنک اولاراق " زبدهالاشعار " کتابیایله ( چاپ ۱۳۸۴ / احد کامرانور ) ؛ " تاریخچه آموزش پرورش بخش خسروشاه " ( ۱۴۰۳_ مجوز و چاپ حالیندا / مرحوم بهروز صیادی خسروشاهی ) اثرلریندن آد چکمک اولور. یئری گلمیشکن قونوموزا باغلی مرحوم صیادیدان بیرنئچه سطر خدمتینیزه چاتدیراراق سؤزوموزو سونا واریریق
:
..." آقای احمدیان خسروشاهی به سال ۱۳۱۱ در خسروشهر ( خسروشاه ) به دنیا میآیند. اما هنوز سه سال بیشتر نداشتند که مادر خود را از دست میدهند. بعد از چند سال برای کسب علم قدم به مکتبخانه میگذارند اما چند مدتی بیشتر نمیتوانند ادامه دهند، چرا که گرانی و فقر این اجازه را به او نمی دهد. اما علاقهی ایشان به کسب علم باعث میشود که به هر نحوی بود در کنار کار و تلاش تا کلاس ششم در مدارس شبانه درس بخوانند. آقای احمدیان از اوان جوانی علاقه فراوانی به دستگاه عزاداری امام حسین(ع) و مراثی آن حضرت نشان میدادند و خودشان نیز شروع به گفتن شعر در این زمینه میکردند تا اینکه به سال ۱۳۳۵ اولین دفتر شعر خود را به نام « توسلات احمدیان » به چاپ رسانند. البته در چاپ این دفتر شعر مرحوم "سعدی زمان" آقای احمدیان را یاری داده بودند. بالاخره آقای احمدیان در سال۱۳۳۶ (ش) در هلال احمر استخدام شده تا سال ۱۳۷۴ (ش) با تلاش و خدمت صادقانه فعالیت میکنند... :
امین وحیـه اؤزی امر ائدیب خدای غدیر
معــارفه گرهک اولسون بو گون ولای غدیر
دئنـه پیمبــره(ص) ائتسیـــن اؤزونــو آماده
یئتیــرسیــن امریمی خلقه او مقتدای غدیر
علی(ع) ولایتینــی فــوری ائیلهسین اعلان
رســالتایــله امامــتدی اعتـــلای غدیر
امامت اولمــاسا یئتمـــز نبــوت اتمامه
ائــــده بـو امـریمه اقـدام او مقتدای غدیر
پیام ربــینـی فــوراً یئتــیردی پیک خدا
ائدیبدی ختــم رسـل صـدقایله ثنای غدیر
بویوردو قافله دوشـسون گرهک بو مأوایه
هامـیه کشــف اولا لازمدی ماجـرای غدیر
پیمبر امر ائدیب اولـدو درست بیـر منـبر
او منبر اوستده چیخــا اوج ائـده صلای غدیر
چیخیبدی منبره بیر خطبه ائیلهدی ایراد
دولوبدو رحمتایله سر به سر فضای غدیر
توتوب علی(ع) کمریندن او قدر ائتدی بلند
صفا باغیشــلادی چوخ دللره صفای غدیر
بویوردو حجت حقدیر علی(ع) وصیّیمدیر
ال اوستده جلوهگر اولموش بئلـه لـقای غدیر
بیلین من هر کیمه " اولی بنفس" و مولایم
همین علــی(ع) اونا مــولادی وار ندای غدیر
یئتیـشدی آیهی " اکملت دینکم" الان
تاپیب کمــال علـی(ع)ـدن بوگون هوای غدیر
اؤتورمه « احمدیان » مـرتضی علی(ع) اتَگین
نه ایستیــسن آلاسان اوندا وار جزای غدیر "
ایکی قطعه باشقا شعر استاد احمدیان رحمتلیکدن :
الیمده خامه حیرانام خیال - اوصافِ یزداندیر
نه قدری ائیلهسم تعریف یئنه وصفینده نقصاندیر
سُتونسوز ساخلائیب کیم آسمانی؟! بسدی بو آیات
اولور اثبات صانع وار دلیلی ، لیک آساندیر
خدای لامکان چون ایستهدی نورون ائده اظهار
جهانه گوندریب بیر ختم مرسل کان ایماندیر
گؤزل آدی محمد(ص)-دیر هم احمد باب رحمتدیر
طبیب حقّدیر هر چارهسیز بیر درده درماندیر
یئتیردی بیر به بیر خلقه تمام احکام اسلامی
بویوردو قورتاریب اوتدان او کسلرکی مسلماندیر
گلین سیز ده دئین بو کلمهی توحیدی ، آساندیر
گوزل بیر کلمهدیر اما نجات راه انساندیر
چکیب دین اوستده چوخ زحمت دئیلسه یئتمز اتمامه
قلم الده یازیر شرح و بیانه خامه حیراندی
---------------------------
عاشق کربُبلایم یاحسین
درد عشقه مبتلایم یاحسین
من مریض عشقم ای حاذق طبیب
نسخهمی یاز ، آشنایم یاحسین
دیلده آدین ازبریمدیر صبح و شام
طالب لطف و عطایم یاحسین
سیّدی! لطف ائیله وئر بیر پای منه
درگهینده بیر گدایم یاحسین
بیرده ایسته ائیلهئیم قبرین طواف
اول گؤزل قبره فدایم یاحسین
بیرده مولا جان وئرن وقتیمده گل
بیکسم بیاقربایم یاحسین
اومودواریمیزدیر یاخین گلهجکده آقای صیادینین قید اولونان اثری و بو گون توپراقا تاپشیریلان داهی شاعریمیزین یئنی بیر اثری ایله بیرگه رحمتلیک استاد کریم بازارچیله استاد اعجازیمیزیندا ایکینجی شعر کتابی چاپا یئتیریلیب سیز دهیرلی اوخوجولاریمیزین الینه چاتسین.
الله دنیاسین دگیشن یازار شاعرلریمیزین روحلارینی شاد؛ قالانلاریمیزا اوزون عمرایله بیرگه جان ساغلیقی عطا ائتسین.